Aquila bella chi mi stai d’avanti
Ti guardu e non ti pozzu diri nenti

Vattinda mparadisu cu li santi
Ca tu can terra fai morira a genti

Lu primu moru eu povaru amanti
Chi notti e jornu t’haiu pe la menti

Aquila si d’argentu e porti l’ali
Ti scruscianu li pinni quandu voli

Dammi na pinna de si toi bell’ali
Mu nci scrivu na littara al mio amori

Eu nci la scrivu e tu ci l’hai a portari
Ci la posi a lu cantu e tinda voli

E s’è chi dorma non la risbigghjari
Ch’è piccirilla e mi pota morira

Porti e finestri chi serrati siti
A cui è chi dorma mi la salutati

E s’è chi dorma non la risbigghjati
Domana quando è jornu nciù diciti

Dorma gioiuzza fai li sogni d’oru
Ca c’esta cu pe tia la notta gira.