‘U zi’ Jennaru non l’avi ‘u calendariu.

Puru ca l’avìa a chi nci servìa?

No vidi quasi nenti…

Pa’ idu non esistunu i stagiuni:

quandu faci friddu è mbernu

e quando faci caddu è stati.

Mancu stamatina

Sapi chi jornu è.

Si leva o’ solitu orariu

e s’assetta subba a chida seggia

cchìu vecchia d’idu.

A menziornu

‘na fimmana si porta ‘na vuccata

e ‘nu turruni.

Allura capisci ch’è Natali.

Ma non dici nenti.

Non dici nenti ‘u zi’ Jennaru.

Ciangi.