Partia di sira a menzu a un cielo scuru

dassandu la famija e i figghj cari

partia pe nu traguardu ormai luntano

dassandu a terra mia e giangendu janu janu.

Di tuttu m'aspettava ma nommu vaiu o nordu

u vaiu mu lavuro; Diu comu fazzu mu mi scordu!

io dassu na famigghja mugnerjma malata

a sorti vozzi chissu u mi dassu nta na strata

pensandu quandu arrivu ca trovu genti strani

s'imbivanu lu sangu su proprio comu i cani.

Ma io speru pemmu tornu nta chista terra mia

preganu notti e jornu a Madonna a Romania

e vui vi raccumandu, penzatimi ogni tantu

e non vi sconzolati mancu cu lu jantu

bisogna aviri forza e tantu di speranza

iu tornu cu nu jornu nta chista bella stanza.

Stu trenu chi gia parti no sacciu comu fazzu

ancora natra vota dassatimi u v'abbrazzu.