Prima dicisti si, ora non voi,

dimmi di cu’ ti spagni e non lu fai,

chi si ti spagni di li genti toi,

ti pigghiu an brazza e non ti scindu mai.

Ti posu undi posunu l’aroi,

undi li ceddi non fannu fulei,

luntanu assai di li parenti toi,

undi to mamma non ti viri mai.

Si veramenti mi voi beni assai,

beddha figghiola di li sonni mei,

si chistu esti lu desideriu toi,

statti cu mia e non mi lassari mai.

Statti cu mia figghiola beddha,

statti cu mia no mi lassari mai,

a chistu cori pensici tu,

a chistu cori pensici tu.