‘A notti chi venìa ‘a befana,
io restava risbigghiatu.
Quando, poi, si laprìa ‘a porta
e trasìa mama,
facìa finta ca dormu.
‘U sapìa chi nc’era ‘nt’a chidi pacchi:
caramelli, biscotti, aranci…
sulu ‘na vota ‘nu pezzu ‘i carvuni,
ma s’eppi ‘i cadiri pa’ sbagghiu
‘nt’a chidi cosi duci …
‘U sapìa chi nc’era
‘nt’a chidi pacchi,
ma chidu scrusciu ‘i carta
chi mama facìa
quando c’ ’a mani |
mi mentìa ‘u pacchicedu sutt’ ‘o cuscinu,
mi dava ‘na senzazioni
‘i ncuna cosa
‘i misteriusu, ‘i novu, ‘i grandi …
Mo’ sugnu randi
E ‘a Befana non veni cchiù.
Ma chidu scrusciu ‘i carta
‘u sentu ancora ogni tantu:
ogni vota chi partu,
ida si leva prestu
e mi menti ‘nt’ ‘a valigi
‘nu pacchicedu ‘i caramelli e biscotti.
Ammucciuni.
Comu ‘na vota. |